Sidra Se Bhi Aage Koun Gaya Jibril-e Amin Se Poocho
Mairaj Ka DUlha Koun Bana Jibril-e Amin Se Poocho

Kya Hai Tauqeer-e Shah-e Umam 
Insan Se Ho Paye Na Raqam
Kya Farshe Zamin Kya Arshe Bari
Sab Hai Aaqa Ke Zaire Qadam
Sultan-e Madina Ka Rutba Jibril-e Amin Se Poocho

Chrom 

Jibril Se Rab Ne Farmaya
Jannat Ki Sawari Lekar Ja
Mehboob Se Ye Jaakar Kehde
Ab Aake Kare Wo Saair Zara
Fir Kaisi Hui Taamil-e Khuda Jibril-e Amin Se Poocho

Chorm

Hai Mehwe Rahat Shah-e Deen
Shasopanj Me Hai Jibril-e Amin
Bedar Kare Kaise Sheh Ko
Ho Jaye Kanhi Na Beadbi
Tazime Nabi Hoti Hai Kya Jibril-e Amin Se Poocho

Chorm

Paas Aake Rasool-e Aazam Ke
Paon Ki Janib Khade Hue
Tazim Baja Laye Pehle
Phir Paon Pe Noori Lab Rakh Ke
Talwoon Ko Diya Hai Kyun Bosa Jibril-e Amin Se Poocho

Chorm

Aqsa Me Sawari Jab Pohnchi
Nabiyon Ki Jamat Hazir Thi
Karne Ko Aadaa Rab Ka Sajda
Sab Basta Jamaat Khadi Hui
Hai Sharf-e Imamat Kise Mila Jibril-e Amin Se Poocho

Chorm

Pohnche Aakhir Us Manzil Per
Jalte Hain Jahan Jibril Ke Per
Jibril Ruke Sarkar Badhe
Pohnche Hai Arshe-e Aazam Per
Mehman-e Khuda Hai Koun Bana Jibril-e Amin Se Poocho

CHorm

Qaisar Hai Wahi Mehboob-e Khuda
Taha Yasin Hai Laqab Mila
Quran-e Muqaddas Ne Unko 
Wa-Rafana-Laka-Zikrak Hai Kaha
Khalique Ne Jo Baksha Rutba Jibril-e Amin Se Poocho

Chorm