Mai Madine chala, mai Madine chala
Phir karam hogaya, mai Madine chala

Saaqiya mai pilaa, mai Madine chala
Masto be khud bana, mai Madine chala

Kaif-sa chaa gaya, mai Madine chala
Jhoomta jhoomta, mai Madine chala

Kya bata-o mili, dil ko kaisi kushi
Jub ye muzda suna, mai Madine chala

Muskuraane lagi, mere dil ki gali
Guncha guncha khila, mai Madine chala

Phir ijaazat mili, jub khabar ye suni
Dil mera jhoomta, mai Madine chala

Ashke thamte nahi, paun jamte nahi
Lad khadaata huwa, mai Madine chala

Mere gande qadam, aur Unka Haram
Laaj rakhna Khuda, mai Madine chala

Ay shajar ay hajar, tum bi shamso qamar
Dheko dheko zara, mai Madine chala

Dekh taray mujhe, ye nazare mujhe
Tum bi dheko zara, mai Madine chala

Rooh he muztar teher, tu nikalna udhar
Itni jaldi hi kya, mai Madine chala

Haath uthte rahe, mujh ko dete rahe
Woh talab se siwaa, mai Madine chala

Mere AQA ka ghar, ho ga peshe nazar
Chaahiye aur kya, mai Madine chala

Mere Siddique Umar, Ho Salaam aap par
Aur rehmat saada, mai Madine chala

Woh Uhud ki zamin, jis ke andar makeen
Mere Hamza piyaa, mai Madine chala

Ghumbade subz par, jub padegi nazar
Kya suroor aayega, mai Madine chala

Unke Minaar par, jub pare gi nazar
Kya suroor aayega, mai Madine chala

Mimbare noor par, jub uthe gi nazar
Kya suroor aayega, mai Madine chala

Mustafa ke Huzoor, apne sare qusoor
Baksh wane chala, mai Madine chala

Kya karega idhar, baandh raste safar
Chal Ubaid-e Raza, mai Madine chala

Kya he tune kaha, ai Ubaid-e Raza
Sonch to kuch zara, mai Madine chala

Lutf to jub mile, mere Murshid kahe
Chal Ubaid-e Raza, mai Madine chala