Hum Ne Ankhon Se Dekha Nahi Hai Magar
Unki Tasveer Sine Me Moujood Hai
Jisne Laakar Kalaame Ilaahi Diya
Wo Muhammad Madine Mein Maujud Hai

Phool Khilte Hein Padh Kar Ke Salle Ala
Jhoom Kar Keh Rahi Hai Ye Baage Saba
Aesi Khushbu Chaman Ke Ghulon Mein Kahan
Jo Nabi Ke Pasine Mein Maujud Hai

Hum Ne Ankhon Se Dekha Nahi Hai Magar

Hamne Maana Ke Jannat Bahot Hai Haseen
Chhod Kar Ham Madina Na Jayein Kahin
Yun To Jannat Mein Sab Hai Madina Nahin
Aur Jannat Madine Mein Maujud Hai

Hum Ne Ankhon Se Dekha Nahi Hai Magar

Chhodna Tera Tayba Gawaara Nahin
Saare Aalam Mein Aesa Nazaara Nahin
Aesa Manzar Zamaane Mein Dekha Nahin
Jaisa Manzar Madine Mein Maujud Hai

Hum Ne Ankhon Se Dekha Nahi Hai Magar

Besahaaron Ko Sine Se Lipta Liya
Jisne Jo Maanaga Usko Ata Kar Diya
Wo Fakiron Ke Afsar Shahe Ambiya
Wo Shahenshah Madine Mein Mojud Hai

Hum Ne Ankhon Se Dekha Nahi Hai Magar