Chalo Diyaar-e-Nabi

Chalo diyaar-e-nabi ki jaanib durood lab par saja saja kar
Bahaar luuttain ge ham karam ki dilon ko daman bana bana kar

Na un ke jesa sakhi hei koii na un ke jesa ghani hei koii
Wo be-nawa-o ko har jaga se nawaazte hein bula bula kar
Chalo diyaar-e-nabi ki jaanib durood lab par saja saja kar
Salla Alaika Rasool Allah Wa Sallam Alaika Ya Habib Allah

Hai unko ummat se pyaar kitna karam hei rahmat sha’aar kitna
Hamaare jurmon ko dho rahe hein wo apne aansu baha baha kar
Chalo diyaar-e-nabi ki jaanib durood lab par saja saja kar
Salla Alaika Rasool Allah Wa Sallam Alaika Ya Habib Allah

Mein wo nikamma hun jisski jholi main koii husn-e-amal nahiin hei
Magar wo ihsaan kar rahe hein khata-ain meri chhupa chhupa kar
Chalo diyaar-e-nabi ki jaanib durood lab par saja saja kar
Salla Alaika Rasool Allah Wa Sallam Alaika Ya Habib Allah

Yahi asaas-e-amal hei meri issi se bigrri bani hei meri
Samett-ta hun karam khuda ka nabi ki naatain suna suna kar
Chalo diyaar-e-nabi ki jaanib durood lab par saja saja kar
Salla Alaika Rasool Allah Wa Sallam Alaika Ya Habib Allah

Wo raahain ab tak saji huii hein dilon ka kaaba bani huii hein
Jahaan jahaan se huzur guzre hein naqsh apna jama jama kar
Chalo diyaar-e-nabi ki jaanib durood lab par saja saja kar
Salla Alaika Rasool Allah Wa Sallam Alaika Ya Habib Allah

Agar muqaddar ne yaawri ki agar madine gya mein Khaalid
Qadam qadam khaak uss gali ki mein chuum lun ga uttha uttha kar
Chalo diyaar-e-nabi ki jaanib durood lab par saja saja kar
Salla Alaika Rasool Allah Wa Sallam Alaika Ya Habib Allah