AI SABZE GHUMBADH WALE MANZOOR DUA KARNA 


Ai Sabze Ghumbadh wale manzoor Dua karna 
Jab waqt nazah aye deedar atha karna

Ai Noor-e-Khuda aakar ankho me samaa jana 
Ya Dar pe bula laina ya Khaab me Aajana
Ai Pardah nashi dil ke parde me raha karna 
Jab waqte naza aye deedar atha karna

Mehboob Ilaahi sa koi na hasee dekha 
Ye Shaan he in ki k saaya bhi nahi dekha
Allah ne saayeh ko chaha na Judah karna 
Jab waqt nazah aye deedar atha karna

Me qabr-e- andheri me ghabraon ga jab thanha 
Imdaad meri karne ajaana zarah esharah
Roshan meri Turbath ko Lillah zara karna 
Jab waqt naza aye deedar atha karna

Chereh se diya paaye in chand sithaaro ne 
Us dar se Shifa paaye dukh dard ke maaro ne
Atha he inni Saabir har dukh ki dawa karna 
Jab waqt nazah aye deedar atha karna

Ai Sabz Ghumbad wale manzoor Dua karna 
Jab waqt nazah aye deedar atha karna