Khuda Walon Ke Ghar Ko Hum Khuda ka Ghar Samjhte Hain
Tumhare Dar Ko Ya Peer Hum Mustafa Ka Dar Samjhte Hain

Hum Is Koonche Me Jab Tak Jaan Hai Aayenge Jayenge 
Maren Ge Bhi To Inki Yaad Me Milne Ko Aayenge 

Hum Is Koonche Me x5

Teri Ulfat Me Mar Mitna Shahadat Isko Kehte Hain
Teri Koonche Me Hona Dafan Jannat Isko Kehte Hain
Riyazat Naam Jai Teri Gali Me Aane Jane Ka
Tassawwar Me Tere Rehna Ibadat Isko Kehte Hain
Tujhi Ko Dekhna, Teri Hi Sunna, Tujhe Me Gum Hona,
Haqeeqat, Marifat, Ahl-e Tariqat Is Ko Kehte Hain

Hum Is Koonche Me Jab Tak Jaan Hai Aayenge Jayenge x2

Dil Kanhi Bhi Na Laga Tere Koonche Ke Siwa x4
Chain Mujh Ko Na mila Tere Koonche Ke Siwa
Hai Khuda Lag Thi Yehi Hum Ne Dekhi Na Suni
Aisi Pur Kaif Fiza Tere Koonche Ke Siwa
Hale Dil Araz Karon Teri Khidmat me Rahoon
Meri Aaye Na Qaza Tere Koonche Ke Siwa

Hum Is Koonche Me Jab Tak Jaan Hai Aayenge Jayenge x2

Mohabbat Ho Agar Sachi to Aise Din Bhi aate hain
wo apne naaz bardaron ke khud hi Naaz Uthate hai
Jo unper mar mite Unse Hazaron Faiz Pate Hain
Unhe Murda Na Samjho wo to murdon ko jilate hain

Hum Is Koonche Me Jab Tak Jaan Hai Aayenge Jayenge x2

Agar Kuch Pana Hai to Phir Kisi Ka Banna Padta Hai
Kisi Ahl-e Nazar Ahl-e bashar se milna padta hai
salika mangne ka hai to mango apne murshid se
agar murshid jo ad jaye khuda ko dena padta hai

Hum Is Koonche Me Jab Tak Jaan Hai Aayenge Jayenge x2

Tasaduq Fatima Zahra Ka Ho Kuch Aale Athar Ka
Mohaiydeen Moinddin Ka Sadqa Le Ke Jayenge

Main Jin Ka Hoon Unhi Ko Fikar Hain Har Kaam Ki Mere
Mere Gayasuddin Meri Bigdi Banaye Ge

Hamari Aarzo Tum Ho Salamat Tum Raho Bas Hai
Salamat Tum Raho Bas Hai
Dil Ko Jigar Ko Jaan Ko Wara Karenge Hum
Teri Salamati Ka Utara Karenge hum
Salamat Tum Raho Bas Hai

Jachta Meri Nazar Me Koi Nazneen Nahi
Jab Se Wo Dil Nasheen Hai Koi Dil Nasheen Nahi
Aisa Hansee Koi Khuda Ki Kasam Nahi
Jaisa Mera Sanam hai Kisi Ka Sanam Nahi
Salamat Tum Raho Bas Hai

Hamari Aarzo Tum Ho Salamt Raho Bas Hai
Hamara Kya Hai Hum Sarkar Pe Qurban Jayenge